Björgvin Páll Gústavsson

Björgvin þekkja flestir sem landsliðsmarkvörð Íslendinga í handbolta en hann er nú fluttur heim og farinn að láta til sín taka á fleiri stöðum en inni á vellinum. Hann er um þessar mundir með fræðslu- og forvarnarverkefnið Vopnabúrið í grunnskólum landsins. Björgvin er einnig menntaður bakari, einkaþjálfari, íþróttaþjálfari, hefur lokið BS. í viðskiptafræði, verðandi NLP markþjálfi og öndunarþjálfari en hann hefur öðlast öndunargráður frá bæði Buteyko Clinic Method (CertBBM) og Oxygen Advantage (Instructor). Sjálfur segir hann sinn helsta tilgang vera að vera fyrirmynd og hjálpa öðrum að líða betur.

14:30

31.OKTÓBER LAUGARDAGUR

Andaðu maður!

Björgvin Páll hefur um langt skeið verið hugfanginn af öndun. Hann hefur aflað sér þekkingar á þeim fjölbreyttu áhrifum sem öndun getur haft á andlega og líkamlega líðan og reynt það á eigin skinni. Hann mun sýna fram á það hvernig heilbrigð og skilvirk öndun getur hjálpað fólki að ná betri tökum á andlegri heilsu, bætt frammistöðu í íþróttum og aukið einbeitingu í skóla og starfi.